amalinks wokungena

Breaking News

Mujuru: Ngangingela Mcabango Wokufuna Ukubulala UMugabe


Owayengumsekeli kamongameli welizwe uNkosikazi Joice Mujuru.
Owayengumsekeli kamongameli welizwe uNkosikazi Joice Mujuru.

Owayengumsekeli kamongameli welizwe, UNkosikazi Joice Mujuru, uthi wayengeke abulale uMongameli Robert Mugabe njengalokho okucatshangwelwa nguMugabe labanye abakubandla le Zanu PF.

UMujuru, oxotshwe labaphathintambo bakahulumende abayisikhombisa lomsekeli womphathintambo kahulumende oyedwa, uthi unguChristu ngakho-ke wayengeke ahlale phansi acabange ukubulala uMugabe.

Uthi uyasonta okugcweleyo ngakho-ke kunzima ukuthi wayengacabanga ukubulala umuntu.

Utshele intathelizindaba yeStudio 7 uBlessing Zulu ukuthi wazama ukukhuluma loMugabe ngalokho ayecatshangelwa ukuthi wayekwenza kodwa kazange alalelwe lakancane.

UMujuru wehluleke lokungena kumadale aqakathekileyo awebandla leZanu PF abalisa iCentral Committee lePolitiburo emhlanganweni weCongress osanda kuphela.

Ingcwethi kwezombusazwe uMnu. Nkululeko Sibanda osekolitshini leHuddersfield University uthi sokuphelile okukaMujuru kwezombangazwe.

XS
SM
MD
LG