Monday, May 20, 2013 Local time: 05:05
Audio menu
Audio  Inhlelo
Audio Studio 7 for Zimbabwe
Audio Nhau dzeShona

Indaba / Ezombusazwe

Omunye Njalo Owesifazana Udinga Ukuvimba Umtshado kaTsvangirai

TEXT SIZE - +
Ntungamili Nkomo

13.09.2012

WASHINGTON DC — Umtshado wenhloko kahulumende uMnu Morgan Tsvangirai ngoMgqibelo susenkingeni njalo kulandela ukuphikiswa kwawo ngomunye owesifazana oyisizalwane seSouth Africa othi uthandana loTsvangirai.

UNkosazana Nosipho Regina Shilubane ucele idale likamantshi eHarare ngoLwesine ukuthi limise umtshado kaTsvangirai loNkosikazi Elizabeth Macheka. Uthi uTsvangirai wathembisa ukutshada laye njalo ubemele amlobole ekupheleni komnyaka.

Emaphepheni akhe, uShilubane uthi wahlangana loTsvangirai eSouth Africa ngo2009, lwavutha uthando bethekelela amazwe atshiyeneyo agoqela iBotswana, Sychelles kanye leSingapore.

UShilubane uthi ngoZibandlela lonyaka imuli yakhe ibuthene uTsvangirai ethembise ukuthi uzazovela ehlawule amalobolo. Kodwa wachitheka lumbuthano engasabuyanga esithi uphathekile ngomsebenzi kahulumende, wasethembisa ukuthi uzamlobola ngoMpalakazi.

Ngemva kokwehluleka ukumisa umtshado lo eHigh Court ngoLwesithathu, omunye njalo owake wathandana loMnu Tsvangirai, uNkosikazi Locardia Karimatsenga ubuyele edale likamatshi wacela ukuthi limise lumtshado.

Umantshi ukhangelelwe ukwethula izinqumo zakhe kuzicelo zombili ngoLwesihlanu. Lanxa abanye kuMDC besithi omama laba basetshenziswa yizitha zikaTsvangirai, inengi lithi kaziphathanga lubaba.

Ingcwethi ecubungula ezombusazwe njalo efundisa eHuddersfield University eBhilithani uMnu Nkululeko Sibanda uthi undaba zikaTsvangirai lezi zimenza abe lihlazo elikhulu ebantwini.
Ingxoxo LoMnu Nkululeko Sibanda
Loading
12:00:00 / -:--:--
⎚
This forum has been closed.
Umbono wakho
     
There are no comments in this forum. Be first and add one

Facebook