amalinks wokungena

Breaking News

Inhlanganiso Ezizimeleyo Ziqinisa Amalungiselelo Omhlangano WeSADC People's Summit


Uhulumende yena uthi uyasuthiseka ngamalungiselelo omhlangano weSADC Heads of States lapho akhangelele inkokheli zamanye amazwe ezedlula amakhulu ayisikhombisa-700.

Inhlanganiso ezizimeleyo lamuhla ziqhube imihlangano lentathelizindaba koBulawayo ngoMvulo zibafundisa ngokuyikho okumqoka okufanele zikunanzelele emhlanganweni we SADC People’s Summit, ozakwenzelwa koBulawayo ngenyanga ezayo.

Umhlangano lo wandulela owenkokheli zamazwe akumanyano weSADC owe Heads of States and Governments Summit, okhangelelwe ukuqhutshwa edolobheni leVictoria Falls ngenyanga ezayo.

Emhlanganweni we People’s Summit, inhlanganiso ezizimeleyo ziyahlangana ziqoqe imbono yabantu ezizayikhweza emhlanganweni weSADC Heads of State.

Uhulumende yena uthi uyasuthiseka ngamalungiselelo omhlangano weSADC Heads of States lapho akhangelele ukuthi kuyabe kuleziphathamandla lenkokheli zamanye amazwe ezedlula amakhulu ayisikhombisa 700.

UMnu. Liberty Bhebhe, isiphathamandla senhlanganiso yeZIMCODD utshele uSithandekile Mhlanga weStudio 7 ukuthi inhlanganiso ezitshiyeneyo sezilungisile udaba okuzaxoxwa ngalo, olugoqela ezokhetho, ezokuthengiselana lamanye amazwe, lezokuswelakala kwemisebenzi.

please wait

No media source currently available

0:00 0:02:45 0:00
Lapho esitholakala khona

XS
SM
MD
LG