Indlela yokubhenka imali ngomakhalekukwini umuntu engayanga ebhanga iya isamukelwa ngabanengi osekubangele ukuthi amankampani alohlelo lolu athole inzuzo enengi kakhulu.
Awumi emzileni … Awudingi mali yekhombi yokuya ebhanga njalo awudingi mali yokuvula ibhuku lebhanga - okudingakalayo ngumakhala ekhukwini wakho nje kuphela.
EleZimbabwe ngelinye lamazwe asebenzisa indlela yokubhenka imali ngomkhalekhukwini i-Mobile Banking. Ezwekazi le Africa iTanzania yilo ilizwe elikhokhelayo.
Ingcwethi kwezenotho, uMnu. Eric Bloch uthi okunye okwenza inengi leZimbabwe lamukele indlela yokubhenka le yikuthi abantu abanengi kabaselethemba lamabhanga ngoba eminyakeni edluleyo kuze kume ukusebenza kwedola le Zimabwe sokusetshenziswa eleMelika abanengi balahlekelwa zimali zabo ezazisemabhanga.
Kodwa enye njalo ingcwethi kwezomnotho, uMnu. Ngoni Chivizhe owayesebenza ebhanga le Stanbic utshele iStudio Seven ukuthi abanengi bamukela indlela yokubhenka ngomakhalekukwini ngoba usenza umsebenzi ube lula.
Inkampani kamakhalekhukwini, eye Econet, ithi kulabantu abedlula izigidi ezimbili, two million, abasebenzisa indlela kamakhalekhukwini ngenyanga eZimbabwe.
Kesizwe ingcwethi kwezomnotho yelizwe, uMnu. Rejoice Ngwenya:
Indlela yokubhenka ngefoni leyi yamukelwa ngabanengi kodwa enye njalo ingcwethi kwezomnotho welizwe, uMnu. Masimba Kuchera uthi amabhanga awezakhiwo azahlala ekhona.
Omunye osebenzisa indlela le eyemobile banking, uMnu Raymond Phiri uthi kasoze alugxobe njalo ebhanga ngoba ethakazelela indlela entsha le.
Kulokungezwani phakathi kwamabhanga lamankampani kamakhalekhukwini athi I NetOne, Telecell le Econent lamabhanga athi umthetho we Banking Act kawuvumeli ukuthi amankampani kamakhalekhukwini enze lumsebenzi. Kodwa ingcwethi kwezenotho, uMnu. Kuchera uthi ukungezwani lokhu akusoze kuphazamise umsebenzi lo.
Indlela yokubhenka ngomakhalekukwini le ilengxaki ezilutshwa ikakhulu ezibangelwa yikungahambi kahle kwamagagasim I network.
Inthathelizindaba yeStudio Seven, uChris Gande usethulela loludaba ngokugcweleyo.
