Umphathintambo wezemali, uMnu. Patrick Chinamasa usefake umthelo wokusebenzisa umakhalekhukwini kunye lomakhalekhukwini waphinda wakhweza lomthelo wokungenisa imota elizweni ethengwe ngaphandle kwelizwe.
Ukukhwezwa kwemithelo le kutsho ukuba intengo yamafutha emota izakhuphuka kancane. Esethula amazwi akhe okucubungula uluhlu lwendleko zikahulumende ngoLwesine eHarare, uChinamasa uthe uzakwehlisa imali ephiwa iziphathamandla zikahulumende eyokuzilibazisa.
Wazise ukuthi uhulumende wenelise ukubuthanisa amadola angaba libhiliyoni elilodwa lasikhombisa, $1.7 billion yena ubekhangelele ukuthola ibhiliyoni elilodwa lasifica minwe mibili, $1.8 billion.
Ukuhlaziya loludaba sixoxe lengcwethi ecubungula ezenotho, uMnu. Masimba Kuchera othi amazwi ka Chinamasa atshengisa uhulumende osephelelwe ngumphako.