amalinks wokungena

Breaking News

Siyakhuluwa yiHigh Court Isifundi seUZ Esabhalela uBaba Jukwa


Isifundi seUniversity of Zimbabwe esibotshwe ngeviki edluleyo sisetheswa icala lokucela izikhali zempi kuBaba Jukwa sikhululwe ngoLwesibili ngemva kokuvunyelwa ukuhlawula imali yesibambiso, ibail lidale leHigh Court.

Umahluli walelidale uJustice Joseph Musakwa uvumele umsolwa uRomeo Musemburi ukuhlawula ikhulu lamadola ukuze athonisiswe evela ngekhaya.

UMusemburi uleminyaka yokuzalwa engamatshumi amabili njalo uqhuba izifundo zeEconomics.

Abatshutshisi bathi uMusemburi wadala icala ngokulobela uBaba Jukwa incwadi ye-email ecele izikhali zempi ukuze avukele uhulumende keMongameli Robert Mugabe.

UMusemburi ngowesithathu ukubutshelwa loludaba. Abanye asebebotshiwe njalo bakhululwa ngebail ngabathi umhleli wephephandaba leSunday Mail uEdmund Kudzai lomnewabo uPhillip.

Kungelani lokubotshwa kwabantu laba, uBaba Jukwa, yena ongaziwayo ukuthi ungubani uqhubeka eloba ekhasini lakhe enkundleni yeFacebook.

NgoLwesibili ulobe esithi sezasebenza ngamandla ukudinga inkululeko yeZimbabwe, okuyinto eqhubeka idida abanengi ingqondo bezibuza ukuthi kahle kahle ngubani uBaba Jukwa njalo ungaphi komhlaba.

XS
SM
MD
LG