20.12.2012
<h1>U-Adam Ndlovu Uncitshwa Inhlonipho Yeqhawe Lesizwe</h1><img src="http://www.voandebele.com/App_Themes/VOA_nd/img/colorLogo.gif"/>UMongameli Robert Mugabe kanye lebandla lakhe leZANU PF babikwa beyale isicelo sokuthi umuyi obengumdlali wenguqu olodumo eZimbabwe, uAdam Ndlovu, aphiwe inhlonipho yeqhawe lesizwe.<br /> <br /> Unobhala obona ngenhlelo zebandla leli uMnumzana Didymus Mutasa ubikwa etshele iphephandaba leNewsday ukuthi inhlonipho yeqhawe iphiwa abalwa impi yenkululeko hatshi abezemidlalo.<br /> <br /> UMutasa ubikwa ethuke abacele ukuthi uAdam aphiwe linhlonipho wathi kabacabangi babona angani iNational Heroes Acre ngeyokudlala. Kodwa angakukhulumanga ngakho yikuthi umuntu wonke uyakwazi ukuthi kulabanye abalele emathuneni la abangayanga empini. <br /> <br /> Lesi sicelo sibikwa sethulelwe idale leCabinet ngumsekeli wenhloko kahulumende uNkosazana Thokazani Khuphe webandla leMDC elikhokhelwa nguMnu Morgan Tsvangirai.<br /> <br /> Iziphathamandla zeZANU PF abatholakalanga lapho bedingwa yiStudio 7 ukuthi ngowabo umlomo ukuthi kungani lesi sicelo silahlelwe khatshana.<br /> <br /> UMnumzana Joel Gabhuza umskeli wesikhulumi sebandla leMDC ekhokhelwa nguMnumzana Morgan Tsvangirai utshele uGibbs Dube weStudio 7 ukuthi bebevele bekwazi ukuthi iZANU PF ayisoze yamukele lesi sicelo.<br /> <br /> <div class="tag_image tag_audio_plain" contenteditable="false" mode="audio|plain|241542"> Ingxoxo loMnu Joel Gabhuza<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/uadam-ndlovu-uncitshwa-inhlonipho-yeqhawe-lesizwe/1569114.html"/><meta name="syndication-source" content="http://www.voandebele.com/content/uadam-ndlovu-uncitshwa-inhlonipho-yeqhawe-lesizwe/1569114.html"/><img src="http://livetracker.voanews.eu/counter.lt?PageType=256&RecordId=1569114&SiteId=430&r=16359657&it=0&pd=20121220211234&url=ArticleID1569114" alt="" style="border:none;" height="1" width="1">
Copy to clipboard Close