amalinks wokungena

Breaking News

UChimbaira Sebuyelile Kubandla leMDC-T


Omiswe ukuba ngumgcinisihlalo weMDC ekhokhelwa nguMnu Welshman Ncube esetheswa icala lokusebenzelana leMDC-T uMnu Goodrich Chimbaira sebuyele kubandla leMDC-T.

UMnu Chimbaira wamukelwe ngumkhokheli weMDC-T uMnu Morgan Tsvangirai esigodlweni salelibandla, iHarvest House eHarare ngoLwesine.

UChimbaira utshele intathelizindaba ukuthi usuke kuMDC kaNcube ngoba uNcube ubengaqhubi kuhle umsebenzi kanti njalo unguntandokayiphikiswa.

Uphinde watshela iStudio 7 ukuthi ngaphambilini kokuxotshwa kwakhe kuMDC, uhlangane loTsvangirai kumaviki amabili edluleyo lapho athethe khona isinqumo sokubuyela kuMDC-T.

Ekumxotsheni kubandla iMDC kaNcube yethese uChimbaira icala lokwephula isisekelo sebandla kanye lokuyenga amalunga ayo ukuthi aye kuMDC-T.

Isikhulumeni seMDC uMnu Joshua Mhambi utshele iStudio 7 ukuthi inyathelo likaChimbaira liveza sobala ukuthi ubevele esebenzelana leMDC-T.

please wait

No media source currently available

0:00 0:02:40 0:00
Lapho esitholakala khona
XS
SM
MD
LG