Lliviki kuhlelo "Liphuma Lendaba Litshona Lendaba" siphatha udaba lokuba ibandla le Zanu PF lithi kulamathambo amaqhawe esizwe asiwa kwele Bhilitane osekumele ayethathwa.
Lelibandla selibumbe ikhomidi okumele iye khonale iyekhulumisana leziphathamandla zalelolizwe kuthathwe amathambo la abukiswayo endaweni ezibukiswa khona ezemvelo ama museum.
Kodwa uhulumende wakwele Bhilitane uyalandula limbiko yokuthi kulamathambo ezizalwane zeZimbawe aselizweni lelo.
Abanye abakubandla le Zanu PF ababalisa umphathintambo wezemfundo, uMnu. Jonathan Moyo wathi kumele kuthathwe amathambo la kungakakhulunywa ngodaba lokuvuselela umnotho welizwe.
UMnu. Fidelis Fengu, osakhulayo webandla leZanu PF yena uthi kanti sonke isikhathi lesi uhulumende wayesekelelani ukuthatha amathambo la?