Kuqhamuke udlakela olukhulu ngoMvulo edolobheni leFerguson eMelika kulandela isinqumo sokuthi umpholisa omhlophe uMnu Darren Wilson engathonisiswa ngokubulala osakhulayo omnyama uMichael Brown.
Umtshutshisi obephatha loludaba uveze ukuthi baswele ubufakazi obukhomba kamhlophe ukuthi uMnu Wilson wadala icala ngokudubula uBrown kunyanga ezedluleyo.
Abanye bathi uWilson wabulala uBrown ngoba engumuntu omnyama, kodwa yena uthi wamdubula ngoba wayemhlasela.
Lokhu kucunule abantu abanengi kulelidolobho baqala ukutshisa izimota zamapholisa, ukugqekeza lokuntshontsha ezitolo.
Udlakela lolu luqhamuke lanxa uMongameli Obama ekhuthaze ukuthula.
Sixhume isizalwane seZimbabwe esihlale eTexas khonapha eMelika uNkosikazi Sheila Chitate osole kakhulu umtshutshisi esithi akaqhubanga kuhle umsebenzi.
