Amapholisa abikwa esebenzise intuthu ehitshayo ukucitha ukutshengisela kwabantu esibhedlela esiphansi kwenkonzo yeSalvation Army ese Howard Mission emangweni weChiweshe. Izakhamizi lezi zibikwa zibe zitshengisela zisola ukuxotshwa umsebenzi kuka Dokotela Paul Thirstle yisigodlo seSalvation Army. UDokothela Thirstle uxotshwanje esesebenzele lesi sibedlela lozulu weChiweshe okweminyaka elitshumi lasitshiyagalombili.
Udlakela lolu luqhamuke ngolweSine ngemva kokuba inkokheli ze Salvation Army zibize amapholisa avelele eShamva atshaya kanye lokuphosela intuthu ehitshayo kuzulu lezigulane esibhedlela seHoward Mission.
Kubotshwe izakhamizi ezilitshumi lambili ngemva kodlakela oluqhamuke esibhedlela lesi izakhamizi zesiqintini seChiweshe eziphansi kukaNduna Negomo zitshengisele zisola ukuxotshwa kukaDokothela Thirstle.
Uzulu wase Chiweshe esigabeni seMashonaland Central kanye lezisebenzi zakulesi sibhedlela seHoward uthi udaniswe kakhulu yikwenza kwebandla lenkonzo yeSalvation Army.
Kubika intathelizindaba yeStudio 7 uMavis Gama oye esibhedlela seHoward Mission Hospital eChiweshe.
Udaba lukaMavis Gama lodlakela lweHoward Mission