IMDC-T Ithi Amalunga Ayo Lokhu Ehlukuluzwa
UMnu. George Chivaura ubikwa etshaywe labanye bakhe ababili eZvimba njalo babika loludaba enkambeni ye Kutama Police Station kulesosigaba.
MDC flag
Sithandekile Mhlanga
20.11.2012
WASHINGTON DC — Icele leMDC elikhokhelwa nguMnu. Morgan Tsvangirai lithi ukuhlukuluzwa kwamalunga alo lokhu kuqhubekela phambili njalo elinye ilunga lalelibandla lisesibhedlela ngemva kokutshaywa kakubi lilunga lebandla leZANU PF esigabeni seZvimba.
UMnu. George Chivaura ubikwa etshaywe labanye bakhe ababili njalo babika loludaba enkambeni ye Kutama Police Station kulesosigaba.
Amapholisa alile ukukhuluma ngaloludaba njalo abikwa engakabophi muntu lanxa kusazakala esigabeni ukuthi ngobani abatshaye abathathu laba.
Isiphathamandla sogatsha lwabatsha kulelibandla uMnu. Promise Mkhwananzi utshele uSithandekile Mhlanga weStudio7 kusobala ukuthi amalunga ebandla lakhe asehlukuluzwa ngaphambilini kokhetho.
Ingxoxo LoMnu. Promise Mkhwananzi