amalinks wokungena

Breaking News

Simba Makoni: Unkosikazi Mugabe Akala Lungelo Lokusebenzisa Impahla kaHulumende


Simba Makoni
Simba Makoni

Owake waba ngumphathintambo wezemali, uMnumzana Simba Makoni, osengumkhokheli webandla leMavambo Kusile Dawn uthi kuyamangalisa ukuthi ilizwe lingasebenzisa imali lempahla kahulumende emihlanganweni kaNkosikazi Grace Mugabe. Wasola njalo iziphathamandla zikahulumende ezidlalise imali yesizwe lesikhathi ngokutshiya amawhofisi okwamaviki amabili zihamba zibhoda laye elizweni lonke kulokusebenzela uzulu ngoba limihlangano ayincedi ekuthuthukiseni inhlalakahle yabantu elizweni.

UMakoni utshele umhlangano lentathelizindaba ngoLwesibili eHarare ukuthi uNkosikazi Mugabe uhamba eqamba amanga esithi kulenkokheli yebandla leZanu PF ethenga amavoti esithi yena nguye othenga usekelo lwabantu ngokubapha inhlanyelo emihlanganweni yakhe.

UMakoni wengeze esithi imbiko kaNkosikazi Mugabe yokugcona uNkosikazi Joice Mujuru itshengisa ukudelela isizwe seZimbabwe njalo akalalo ilungelo lokusebenzisa impahla kahulumende ukuze abhode ilizwe lonke edinga usekelo ngendleko engasiyakhe.

Wasesithi kumele uMongameli Mugabe aphumele egcekeni ukuthi uyasekela na okutshiwo ngumkakhe ngoba enguye okhetha iziphathamandla zikahulumende ezisolwa ngunkosikazi wakhe.

XS
SM
MD
LG