Sunday, September 21, 2014 Local time: 00:02

Indaba / Ezombusazwe

UGutu uthi iMDC Kumele Ihluze Udaba LweGukurahundi

x
Ntungamili Nkomo
Umsekeli kamphathintambo wezemithetho uMnu Obert Gutu uthi nxa ibandla leMDC linganqoba kukhetho oluzayo libumbe uhulumende, kumele lihluzisise udaba lweGukurahundi kubotshwe bonke abaphatheka kulesisiga.

UGutu, oyisiphathamandla seMDC-T, uthi njalo uhulumende weMDC kuzamele ahluzisise udaba lweMurambatsvina, lapho inkulungwane zabantu ezadilizwelwa izindlu nguhulumende.

Impi yeGukurahundi yabulalisa abantu abedlula inkulungwane ezingamatshumi amabili, 20, 000 eMatabeleland lenkabazwe, njalo akulamuntu oseke wabotshwa phezu kwaloludaba.

UGutu uthi ukuze kubelokuhlalisana elizweni, abadala amacala lawa kumele bajeziswe kube lokuxolelana.

Kodwa ingcwethi kwezombusazwe zithi akusoze kubelula lokhu lanxa iMDC ingaze ibe yiyo esiphethe intambo zombuso.

UDr. Nkululeko Sibanda, ofundisa ezombusazwe ekolishini leHuddersfield University, eBhilithani, utshele iStudio 7 ukuthi lanxa okukhulunywa nguGutu kulohlonzi, kunzima ukukufeza.
Ingxoxo LoMnu Nkululeko Sibanda
Ingxoxo LoMnu Nkululeko Sibandai
|| 0:00:00
...
 
🔇
X
This forum has been closed.
Umbono wakho
     
There are no comments in this forum. Be first and add one

Facebook