amalinks wokungena

Breaking News

Imhuli kaDzamara Ihambisa Ugwalo Lwesikhalazo kuMugabe


Itai Dzamara
Itai Dzamara

Imuli yakoDzamara ifikise ugwalo lwayo lwezikhalazo kuMongameli Mugabe ngoMvulo ikhala ngokuthi uhulumende akenzi imizamo eneleyo yokudinga uMnu Itai Dzamara yena oselenyanga ezinhlanu engazakali ukuthi ungaphi.

UmkaDzamara uNkosikazi Shefra Dzamara lomnewabo uMnu Patson Dzamara bahambise ugwalo lolu emahofisini kaMugabe emahofisini akhe aweMunhumutapa kanye ledale lephalamende kumlawuli waleli dale uMnu Jacob Mudenda.

Egwalweni lolu imuli kaDzamara ithi uMugabe lohulumende wakhe kumele bazinikele ekudingeni uDzamara ngoba kungumlandu kahulumende ukuvikela izizalwane zonke zelizwe kungakhathelekile ukuthi zisekela kumbe ziphikisa uhulumende okhona.

Omunye wabasebenze loDzamara okwesikhathi eside uMnu Charles Nyoni yena wethesa uhulumende umlandu wokuthi nguye okwaziyo ukuthi uDzamara ungaphi, ngoba ngabe kakwazi ngabe uselalo ulwazi lokuthi ngubani olaye sokwedlule inyanga ezinhlanu enyamalele.

XS
SM
MD
LG