amalinks wokungena

Breaking News

Uphiwa Imvumo Yokuhlawula iBail uMachisa


Idale laphezulu ele High Court linikeze umqondisi wenhlanganiso yokulondolozwa kwelungelo loluntu eye ZIMRIGHTS uMnumzana Okay Machisa imvumo yokuhlawula imali yesibambiso eye bail.

Esethula lesi sinqumo umahluli weHigh Court u Justice Felistas Chatukuta uveze ukuba unikeza umgcinisihlalo wenhlanganiso ye Crisis in Zimbabwe Coalition imvumo yokuhlawula bail ngoba sekuvele sobala ukuba umantshi uTendai Mahwe uphosisile ekunqumeni ukuba ancitshwe ibail. UChatukuta uthi izizatho ezinikezwe ngumantshi azila sisindo esingabangela ukuncitshwa kuka Machisa ibail.

Iqgwetha likaMachisa uNkosazana Beatrice Mthethwa uthi kasimangalisi lesi sinqumo sikamahluli weHigh Court ethi besivele singeko isizatho sokuba ayincitshwe ibail uMachisa.

Kubika intathelizindaba yeStudio 7 uMavis Gama eseHarare.

please wait

No media source currently available

0:00 0:03:04 0:00
Lapho esitholakala khona
XS
SM
MD
LG