amalinks wokungena

Breaking News

Uzulu Ucaphulwa Yikutshontshwa Kwemali Yokuthuthukisa Izabelo


Kulenduna eNkabazwe okubikwa ukuthi zabelana eyinye yemali esesikhwameni sokuthuthukisa inotho kazulu – ama community share ownership trust - angaphansi kohlelo lwe indigenization.

Induna lezi zanikana munye ngamunye inkulungwane ezinhlanu zamadollar emelika - $5,000 ezathi ngeyokwenza imhlangano yokukhetha inhlelo zikazulu okumele ziyenziwa endaweni ezitshiyeneyo.

Lokhu kwachaphula uMnu. Savior Kasukuwere umphathintambo wezokuthuthukisa inotho kazulu labanye bakhe abathi induna lezi zenza okungekho emthethweni.

Kubikwa ukuthi zinengi indawo lapho okuqambulwa khona imali le ecina ingatholwa yizakhamuzi.

Kubikwa njalo ukuthi ugatsha lukahulumende oluphethwe nguMnu. Kasukuwere soluxabana logatsha lwezabelo luka Mnu. Ignatius Chombo ngokugcina izikwama zama community trusts.

Abanye njalo esebexokozela ngemali le baku National Indigenization and Economic Empowerment Board abafuna ukuqhuba uhlelo lolu bengaphazamiswa muntu.

Izikhwama zama community share trust zilezigidi ezedlula amatshumi amane amadollar eMelika - $40 million.

Ezinye ezasungulwa kudala ezinjenge Mhondoro-Ngezi Community Share Ownership Trust azikaqalisi ukunika uzulu imali.

Umongameli Robert Mugabe lamuhla ubesungula ama community trusts alezigidi phose alitshumi lanhanu zamadollar eMelika - $14.5 million abunjwe ngemali yemigodi yemazweni asebenzela esigabeni se Hwange le Lupane esabelweni se Matabeleland North.

Ukuze sihlaziye sixoxe loNkosikazi Ortilia Nncube isakhamuzi se Gwanda North loMnu. Liberty Bhebhe umqondisi we National Youth Development Trust.

Unkosikazi Ncube uthe kabakezwe ngokwenzakalayo ngesikhwama se Gwanda Community Share Ownership Trust esasungulwa ngoNkwenkwezi nguMongameli Mugabe.

Umnu. Bhebhe uthe akumangalisi ukuthi imali yehlelo lezi kayitholwa nguzulu ngenxa yokuthi kwenzelwa ababusayo labangane babo.
please wait

No media source currently available

0:00 0:05:10 0:00
Lapho esitholakala khona



Amankampani ezemigodi abanjwa ngamandla nguhulumende ukuthi alandele iziqondiso zomthetho we indigenization othi kumele abele uzulu amashares angamatshumi amahlanu lanye – 51%.

Kukhanya amankampani amanengi esenika uhulumende imali etshiyeneyo yokubumba izikhwama zama community share trusts kulokuthi abele uzulu amashares kungelambhadalo.
XS
SM
MD
LG