amalinks wokungena

Breaking News

Uhlelo olweElectronic Health Management Solufinyelelwa Emakilinika


 Udokotela Bekezela Khabo,echasisa phezu kwalendlela kuntathelizindaba,ngesikhathi zethekelele li kilinika ekhokhelwa ngu Sister in Charge Kelvin Sithole obekhona laye.
Udokotela Bekezela Khabo,echasisa phezu kwalendlela kuntathelizindaba,ngesikhathi zethekelele li kilinika ekhokhelwa ngu Sister in Charge Kelvin Sithole obekhona laye.

Ibikwa isilethe umahluko omkhulu emakilinika, indlela yokuthola ulwazi lokulondoloza impilo yabaphila legciwane lapho bekhuthe ukuthola usizo lwamaphilisi, kusetshenziswa imitshina yakulezi nsuku, olwe Electronic Health Management, ekilinika yeMufakose selokhu yasungulwayo ngoNhlangula womnyaka ka2013.

Lokhu kuvezwe ngudokotela ovame ukwethekelela li kilinika, uDr Bekezela Khabo, wohlangothi olubona ngezegcikwane, Ingculaza kanye lomkhuhlane wofuba – HIV/AID and TB Unit kugatsha lwezempilakahle.

Ukuveze ekhulumisana lentathelizindaba eziloba ngezempilakahle zenhlanganiso ye Health Journalist Association of Zimbabwe-HeJAZ, ezethekelele kuleyo kilinika ukuyabona ukuba mahluko bani olethwe yikusebenzisa lindlela. Lezi ntathelizindaba zingena umhlangano wensuku ezintathu wokulolonga indlela eziloba ngayo owenzelwa ePandhari Lodge e Harare ngokuqoqwa kwabeskhwama sikahulumende weMelika e sePEPFAR.

Bekunzima ngaphambilini ukubalonda abaphila legciwane ingakasungulwa lindlela yokulondoloza ulwazi eye data capturing kuveza u Dr Khabo. Ethi kuyindlela ezaphathisa ekulondolozeni abaphila legciwane ngokuya kwesikhathi kutsho u Khabo.

I Kilinika ye Mufakose ngenye yamakilinika akuqala asesungule lindlela ngokusebenzelana labesikhwama sikamongameli wakwele Melika se PEPFAR.

Kuthi abe HealthQual kuyizo ingcitshi kwezokutshenziswa kwalemitshina lokuthi isebenza njani lindlela eqale ezibhedlela ezikhulu khathesi, esifinyelela lakumakilinika amancane okubalisa eyeMufakose.

please wait

No media source currently available

0:00 0:02:40 0:00
Lapho esitholakala khona

XS
SM
MD
LG