amalinks wokungena

Breaking News

Luqhubekela Phambili Uhlelo lweLifestyle Health Expo


Uhlelo lwezempilakahle olwe Lifestyle Health Expo
Uhlelo lwezempilakahle olwe Lifestyle Health Expo

Amakhulu lamakhulu abantu abikwa esiza ukuzahlolwa kungelambadalo, isimo sabo setshukela egazini ama Sugar Levels kanye lesokuhamba kwegazi emzimbeni iBlood Pressure, kuhlelo lwe Lifestyle Health Expo, lokulimukisa uzulu ngemikhuhlane ebangelwa yilesisimo.

Loluhlelo luqhutshwa yizifundi ezisafundela umsebenzi wezokutholiswa kukazulu imithi yokwelapha, ama Pharmacists, phansi kwenhlanganiso ye Zimbabwe Pharmaceutical Students Association.

Abe ZIPSA benza lokhu ngokusebenzelana labekolitshi labo le University of Zimbabwe, bemanyene labe kolitshi leHarare Institute of Technology ( HIT ).

Umkhokheli we ZIPSA, umnumzana Michael Gwata, uchasisa ngokugcweleyo phezu kwenjongo yaloluhlelo lweviki abaluqhuba edolobheni leHarare, kumgwaqo u First Street kusukela ekuseni kusiya ngabo 4 emini.

Uthi bakubone kuqhakathekile baqhube loluhlelo ngokunanzelela ukuba inengi lingazihluphi ukuyadinga ulwazi phezu kwesimo sabo ngaphandle kokuba umuntu esengogulayo.

Asebekunanzelele selokhu beqalile loluhlelo ngoLwesibili, yikuba lokhe lusilela ulwazi kuzulu phezu kwalesi simo esibangelwa yindlela umuntu aphila ngayo.

Loluhlelo luqhutshwa phansi kwendikimba ethi “ Promoting Health through a Healthy Lifestyle ” ngenhloso yokuvula uzulu amehlo ukuze azi isimo sakhe, ngasikhathi sinye kucetshiswa labo abatholakala belenkinga ukuba baye bona odokotela loba abongi ezibhedlela, bathole usizo lokuba benzeni.

Udaba lohlelo lokuhlolwa impilakahle kungela mbadalo olwe Lifestyle Health Expo
please wait

No media source currently available

0:00 0:02:58 0:00
Lapho esitholakala khona

XS
SM
MD
LG