amalinks wokungena

Breaking News

Uhulumende Umisa Ukuthathwa Kwamapulazi


Uhulumende uthi semise uhlelo lokuthatha amapulazi abalimi abamhlophe avikelwe yizivumelwano iZimbabwe eyazilobelana lamanye amazwe ezamaBilateral Investment Promotion and Protection Agreements.

Umphathintambo obona ngezomhlabathi lokuhlaliswa kutsha kwabantu uMnu Hebert Murerwa uthi uhulumende uyakuvuma ukuthi ulezikwelede zabalimi abathathela amapulazi kungelambadala eminyakeni esanda kwedlula.

Ngalokho, uthi uhulumende uphakathi kokudinga imali ukuthi ahlawule abalimi laba.

UMongameli Robert Mugabe ubehlezi esithi uhulumende kasoze ahlawulele amapulazi la.

Kulabalimi beNetherlands abangamatshumi amane abathathelwa amapulazi abo bahamba edale leInternational Court for Settlement of Investment Disputes kuminyaka edluleyo becela ukuthi lumthethwandaba ubambe uhulumende ngamandla ukuthi ubahlawule.

Lelidale lavumela isicelo sabo, njalo uhulumende uthi uyavuma ukuthi uyabakweleda izigidi lezigidi zemali.

Kodwa ingcwethi kwezombusazwe uMnu Nkululeko Sibanda uthi kaboni uhulumende eyithola limali.

please wait

No media source currently available

0:00 0:02:39 0:00
Lapho esitholakala khona
XS
SM
MD
LG