Isiphathamandla senhlanganiso ye Zimbabwe Football Association uJonathan Mashingaidze nguye ozabe ezibambe esidukwini
kulinhlanganiso kuze kukhethwe inkokheli entsha ngemva kokuxotshwa kuka Cuthbert Dube labanye bakhe emhlanganweni oqhutshelwe esigodlweni iHarare ngoMgqibelo odluleyo.
Amakhansila angamatshumi amahlanu lanye (51) avotele ukuba obengumongameli wenhlanganiso ye Zifa uCuthbert Dube kanye
lamalunga eboard yakhe wonke betshiye izikhundla lezo besetheswa umlandu wokungaqhubi kuhle umsebenzi.
UDube uxotshwe ndawonye lo Fungai Chihuri, uJohn Phiri, uTwine Phiri, uTawengwa Hara kanye lo Omega Sibanda, uBen Gwarada
kanye lo Miriam Sibanda bona ababevele bemiswe umsebenzi nguDube ngesikhathi kulokudonselana kunhlanganiso yeZifa.
UDube ubekhuphe umbiko wokuthi usetshiye umsebenzi ngoLwesihlanu kuzavuka kusenziwa umhlangano weEGM esithi kodwa uzaphuma
ehofisini ekupheleni komnyaka kodwa inengi lamakhansila lakwala lokhu kwathi abathathu kuphela yibo abakade bevumelana laye.
Ukhetho lokudinga inkokheli entsha eyenhlanganiso ye Zifa luzaqhutshwa ekupheleni komnyaka njalo lungakenziwa
isiphathamandla salinhlanganiso uJonathan Mashingaidze nguye ozabe ekhokhela linhlanganiso.
..........
Iqembu labesifazane elimela ilizwe emdlalweni wenguqu linqotshwe nge 2 ka 1 liqembu elimela ilizwe le Cameroon kuhlandla lakuqala elomdlalo wokudinga amaqembu azakuyaphatheka kumidlalo ye Olympics ngomnyaka ozayo elizweni le Brazil.
Ohlohle umklomelo weqembu le Zimbabwe ngumgadli uRudo Neshamba njalo lumklomelo utsho ukuba iqembu leli lisesimeni esihle
esokudlulela phambili ngoba kumele lihlohle kanye nje kuphela kungelampendulo emdlalweni ozakuba kuleli ngemva kwamaviki
amabili ngoba lumklomelo eliwuhlohle lidlala lingekho ekhaya uzabe uzabalwa kabili.
Impumela yemidlalo yenkezo ye Chibuku Super Cup edlalwe ngempela viki edluleyo iveza ukuba iqembu le Harare City lizadibana lele Dynamos kumdlalo we final ekupheleni kwenyanga ngemva kokuba iqembu le City litshaye ele ZPC Kariba nge 4 ka 1 ngoMgqibelo kwathi ele Dynamos linqobe ele Chapungu nge 1 ka nya ngeSonto. Yomibili limidlalo iqhutshelwe enkundleni ye Mandava esedolobheni le Zvishavane.
...........................................
Sikhangele imidlalo yenguqu edlalwe kwamanye amazwe; iqembu le Orlando Pirates elase South Africa liphumelele ukuyadlala kumdlalo we final kumncintiswano we CAF Confederations Cup ngemva kokunqoba elikwenze ele Al Ahly nge 4-3 ngeSonto emdlalweni odlalelwe elizweni le Egypt okutsho ukuba nxa sekuhlanganiswa lempumela eyomdlalo wakuqala odlalelwe elizweni le South Africa iqembu le Pirates linqobe nge 5 ka 3.
Amabhakaniya azadibana leqembu le Etoile Du Sahel ele Tunisia lona elinqobe ele Zamalek elase Egypyt nge 5 ka 4 nxa kuhlanganiswa impumela yemidlalo emibili edlalwe yilawa maqembu.
Ngase Ngilandi kulabaqeqetshi ababili abalahlekelwe ngumsebenzi ngemva kwemidlalo eyeviki lethoba minwe mbili eye English Premier League njalo laba ngabathi uBrendan Rodgers oweqembu le Liverpool kanye lo Dick Advocaat oweqembu le Sunderland.
URodgers uxotshwe ngemva kokuba iqembu le Liverpool libe ngutshiki lobhanqa lele Everton njalo utshuya leliqembu likundawo yetshumi engalaneni yemiklomelo lilemiklomelo elitshumi lambili. UAdvocaat yena utshiye iSunderland isendaweni yesibili nxa usuka ngaphansi kwengalane ilemiklomelo emithathu.
Kundawo yakuqala engalaneni kutholakala iqembu le Manchester City lona elibhaxabule ele Newcastle nge 6 ka 1 njalo lilemiklomelo elitshumi lathoba minwe mbili.
Iqembu le Arsenal lona elitshaye ele Manchester United nge 3 ka nya lihlezi kundawo yesibili lilemiklomelo elitshumi lesithupha okulinani elileqembu le Manchester United elihlezi kundawo yesithathu.
................
Sikhangele umdlalo kakhilikithi; umdlalo wesithathu njalo ungowokucina owohlobo lwe One Day International phakathi kweqembu elimela iZimbabwe lele Pakistan obusenkundleni ye Harare Sports Club uphele......
