amalinks wokungena

Breaking News

Ukhathazekile uTsvangirai Ngenhlalakahle Yabantu beHopley


Umkhokheli weMDC-T uMnu Morgan Tsvangirai uthi ikhansili yeHarare kumele yakhele abantu abahlala eHopley Farm izindlu ezilohlonzi njalo ibafakele impompi zamanzi ahlanzekileyo.

Ekhuluma esepulazini leli ngoLwesine, uTsvangirai uthe kuyadanisa ukuthi abantu laba lokhu behlala emikhukhwini lanxa sebeleminyaka elitshumi bahlaliswa lapha nguhulumende.

Uthe njalo ukusilela kwamanzi ahlanzekileyo kufaka impilo zezakhamizi engozini yemikhuhlane etshiyeneyo efana leCholera.

UMayor weHarare uMnu Bernard Manyenyeni, yena obehamba loTsvangirai uthembisile ukuthi ikhansili izazama ukuthuthukisa impilo zabantu beHopley, kodwa uthe udubo olukhulu abalalo ngolokusilela kwemali.

La ngamazwi agcizelelwe ngukhanzila kaWard 13 eHarare uMnu Peter Moyo.

please wait
Embed

No media source currently available

0:00 0:01:41 0:00
Lapho esitholakala khona

XS
SM
MD
LG