10.01.2013
<h1>UGeoff Nyarota Ungena Kukhetho Lwama Primaries KuMDC-T</h1><img src="http://www.voandebele.com/App_Themes/VOA_nd/img/colorLogo.gif"/>Intatheli zindaba labasakazi abalodumo abasebenza eZimbabwe Broadcasting Corporation bakhangelelwe ukungena kukhetho lwamaprimaries emabandleni ezombusazwe ukuze bancintise kukhetho lokudinga umongameli, amalunga edale lephalamende lenkokheli yezabelo.<br /> <br /> Laba bagoqela uMnu. Geoffrey Nyarota owayengumhleli wephephandaba le Daily News, uMnu. Ezra ‘Tshisa’ Sibanda, uMnu. Eric Knight, uMnu. James Maridadi, uMnu. Supa Mandiwanzira we Zi-FM Radio Station labanye. <br /> <br /> Umnu. Joel Gabhuza umsekeli wesikhulumeli se Movement for Democratic Change (MDC) ekhokhelwa nguMnu. Morgan Tsvangirai uthi zinengi intatheli zindaba lababengabasakazi abafuna ukuncintisa kukhetho lwamaprimaries ukuze babe ngamalunga edale lephalamande bemele leli bandla.<br /> <br /> UGabhuza uthi intatheli zindaba lezi ezilodumo zizahlolisiswa njengomuntu wonke okumele angene kukhetho lwebandla lokudinga amalunga edale lephalamende.<br /> <br /> UNyarota uthi uselungiselela ukungena kukhetho lolu eMakoni South emelwe okwamanje edale leli nguMnu. Pishai Muchauraya we MDC-T.<br /> <br /> USibanda laye uthi uselungiselela ukhetho lolu emangweni weVungu eNkabazwe okwamanje emelwe edale lephalamende ngumuntu olilunga leZanu PF. Uthi ulethemba lokuthi uzanqoba kukhetho lolu akhiphe uMnu. Josephat Madubeko esikhundleni sokumela iVungu Constituency.<br /> <br /> Kodwa-ke uMaridadi, owayengumsakazi eZBC njalo owayeyisikhulumeli sika Tsvangirai, uthi usacabanga ngokumela iMabvuku edale lephalamende.<br /> <br /> Abafisa ukuncintisa laba babikwa bezasebenzisa imali yabo nxa bekhankasa kukhetho lwamabandla. USibanda uthi usebenzisa imali yakhe yonke ayiphanda kweleBhilithane.<br /> <br /> <div class="tag_image tag_audio_plain" contenteditable="false" mode="audio|plain|248585"> Udaba Esilethulelwe NguGibbs Dube<img alt="" src="../../../img/spacer.gif" title="This is just placeholder, it will be replaced public site." /></div> <br /> Loba nje intatheli zindaba lezi ezifuna ukuncintisa kukhetho lwamaprimaries zingenelisa ukunqoba, kusakude phambili njengoba ukhetho kwele Zimbabwe lujayele ukuba lobudlwangudlwangu.<br /> <br /> Abantu abedlula amakhulu amabili babulawa kukhetho lomnyaka ka 2008. Abalimalayo bagoqela yena uTsvangirai ngokwakhe, uNkosazana Kwinjeh, uNkosikazi Holland labanye abalandeli bebandla le MDC-T.<link rel="canonical" href="http://www.voandebele.com/content/ukhetho-lwamaprimaries-kumdc-t/1581694.html"/><meta name="syndication-source" content="http://www.voandebele.com/content/ukhetho-lwamaprimaries-kumdc-t/1581694.html"/><img src="http://livetracker.voanews.eu/counter.lt?PageType=256&RecordId=1581694&SiteId=430&r=1598683768&it=0&pd=20130110234750&url=ArticleID1581694" alt="" style="border:none;" height="1" width="1">
Copy to clipboard Close