amalinks wokungena

Breaking News

EMelika Kuqhutshwa UKhetho Lwama Midterms


Abantu bayavota eMelika kukhetho olikhangelelwe ukuveza sobala ukuthi yiliphi ibandla lezombusazwe elilakho ukukhokhela idale leCongress phakathi kwele Democratic lele Republican Party. Ukhetho lwamalunga edale leCongress lwenziwa ngesikhathi uMongameli Barack Obama esesalelwe yiminyaka emibili yokubusa.

Izihlalo ezingamakhulu amane lamatshumi amathathu lanhlanu ezedale lama Representatives lezihlalo eziyisilinganiso sokungamatshumi edlula amathathu ekhulwini ezedale leSenate yizo ezibangisanwayo kulolu khetho.

Amehlo amanengi abheke impumela yokhetho lweSenate lapha ibandla lama Republicans elikhangelele ukuthola izihlalo eziyisithupha kuphela ukuze likhokhele leli dale. Okwamanje ibandla lama Democrats yilo elikhokhela idale leSenate ngoba lilamalunga angamatshumi amahlanu lanhlanu.

Usekelo lukamongameli Obama lubikwa luyisilinganiso sokungamatshumi amane ekhulwini-40%, ngakhoke lokhu kulakho ukunika ithuba ibandla lama Republicans lapho u-Obama anqotshwa khona.

U-Obama uthi kayisuye ovothelwayo kodwa iziqondiso zebandla lakhe, ngasikhathi sinye ama Republicans besebenzisa ukwehla kosekelo luka Obama ekukhankaseleni iziqondiso zebandla eziphikisana lokwenziwa nguye.

AmaRepublicans aleqiniso lokuthi azanqoba ekutholeni izihlalo ezinengi zedale leCongress okuzabenza baphikise konke okunqunywa nguObama ukuze iminyaka emibili esisele yombuso wakhe ibe nzima.

Inhlolisiso ethe yenziwa iveza ukuba amaRepublicans alakho ukunqoba edale leSenate endaweni ezibalisa eWest Virginia, South Dakota, leMontana okwamanje okuyizigaba ezimelwe ngama Democrats.

Osokuphuma okwakhathesi kukhetho kuveza ukuba amaRepublican ayakhokhela e Iowa, Arkansas, Colorado kanye le Alaska. Kodwake eGeorgia lase Louisiana amaDemocrats ayakhokhela.

XS
SM
MD
LG