amalinks wokungena

Breaking News

Ukubhubha Kuka Wilson Sandura Kudanisa Uzulu


Izizalwane zeZimbabwe zithi zilahlekelwe kakhulu ngokubhubha kukaMnu. Wilson Sandura owake waba ngumahluli wedale leSupreme Court.

Abakhulume leStudio 7 ngoLwesine bathe uSandura, obhubhe ngoLwesithathu kulandela ingozi yemota ngoNhlolanja, wayesaziwa ngokwethula izigwebo ezimele iqiniso okwakutshengisa ukuthi wayengesabi muntu.

Bathi wayengumuntu owayekhululekile kakhulu njengoba wayephikisana labanye bakhe kudale leSupreme Court nxa ebona ukuthi benze izinqumo ezingaqondanga.

Wake waphikisana labanye bakhe abethula isinqumo sokuthi intathelizindaba eZimbabwe kumele zibhalise amabizo azo kuhulumende zingakaqalisi umsebenzi.

Icala leli langeniswa emthethwandaba ngomnyaka ka2003 yinhlanganiso yeIndependent Journalists’ Association of Zimbabwe eyayikhala ngeziqondiso zomthetho weAccess to Information and Protection of Privacy Act. Iziqondiso lezi zazikubeka sobala ukuthi intathelizindaba kumele zibhalise zingakasebenzi elizweni.

Bonke abahluli bedale leSupreme Court basekela isinqumo esethulwa ngumahluli omkhulu uChief Justice Godfrey Chidyausiku owathi iziqondiso lezi zaziqondile.

USandura wakuphikisa lokhu esithi kuyafana lokuthathela intathelizindaba imfanelo yokwethula imibiko zikhululekile.

Waphinda njalo waphikisana labanye bakhe abathatha isinqumo sokuthi uMnu. Roy Bennet, owayelahle phansi ngengalo uMnu. Patrick Chinamasa edale lephalamende bephikisana ngezembusazwe, kwakumele kungehliswa isigwebo sakhe somnyaka owodwa.

UBennet owayekubandla leMDC wahambisa udaba lolu emthethwandaba esithi wayevunyelwa ukwenza akufunayo edale lephalamende njalo isigwebo sakhe sasimethusa.

Abahluli bedale leSupreme Court bayala ukulalela ayekucela uBennet kodwa uSandura waphikisana labo esithi kwakumele ukuthi basizwe isikhalazo sakhe.

Kunengi njalo akwenzayo uSandura okugoqela ukuhlolisisa izimota ezazithengwa zithengiswa yiziphathamandla zikahulumende okungekho emthethweni eWillowvale Motor Industries.

Ukuze sihlaziye udaba lolu, omunye walabo esikhulume laye ngemisebenzi kaSandura, nguMnu. Sobusa Gula Ndebele owayeligqwetha elikhulu, uAttorney General, kuhulumende weZimbabwe.

UNdebele uthe ilizwe lilahlekelwe yingcwethi enkulu yezemithetho.

please wait

No media source currently available

0:00 0:02:15 0:00
Lapho esitholakala khona


XS
SM
MD
LG