amalinks wokungena

Breaking News

Ukudonselana Ebandleni leZanu PF Kufika Esibangeni Esibi


Grace Mugabe
Grace Mugabe

Ukudonselana amandla kubandla le Zanu PF sekufike kusibanga esesabekayo kulandela imbiko yokuthi uNkosikazi Grace Mugabe, umka mongameli welizwe usecelwe ukuba ngumgcinisihlalo wohlangothi lwamakhosikazi.

Yena uNkosikazi Mugabe laye uhle waqala ezombusazwe ngokuthuka umsekeli kamphathintambo wezemithetho, uMnu. Fortune Chasi esithi ufuna ukungcolisa igama lemuli yakhe. UMugabe wethule lamazwi izolo emhlanganweni webandla owenzelwe eMazoe, duze le Harare. Unkosikazi Mugabe wethese uChasi icala lokungenela kudaba lwepulazi alithathela inkampani elima amahalantshisi iMazoe Citrus Farm.

Ukudonselana amandla lokhu kuqhubeke njalo ngoLwesihlanu emhlanganweni wabasakhulayo owenzelwe eHarare lapho uMongameli Mugabe ethese icala iziphahtamandla zebandla esithi zehluleke ukuqoqa lumhlangano zaze zehluleka lokuthengela abanxusiweyo ukudla.

UNkosikazi Mugabe ukhangelelwe ukukhethwa ngabasakhulayo kusasa. UChris Gande weStudio Seven uxoxe lengcwethi kwezombusazwe njalo elilunga lebandla le Zanu PF, uMnu. Morris Ngwenya othi amazwi kaNkosikazi Mugabe atwshengisa ukukhululeka kwebandla le Zanu PF.

XS
SM
MD
LG