Udaba Lokuhlelwa Kwemidlalo YePSL Luyavuselelwa

Udaba Lokuhlelwa Kwemidlalo YePSL Luyavuselelwa

<h1>Udaba Lokuhlelwa Kwemidlalo YePSL Luyavuselelwa</h1><img src="http://www.voandebele.com/App_Themes/VOA_nd/img/colorLogo.gif"/>Inengi kwele Zimbabwe lithi indlela isikhathi semidlalo yenguqu esigabeni saphezulu ese Premier Soccer League ehlelwe ngayo elizweni, esukela ku Mbimbitho kusiya ku Lwezi ngenye yembangela yokuthi amaqembu eZimbabwe anqotshwe ngamanye kuzwekazi le Africa emicintisweni efana leyenkezo ye CAF Confederation.<br /> <br /> Abadlali baphumula kusukela ngo Mpalakazi kusiya ngoMbimbitho okutshengisa ukuthi bayabe bengalungiselelanga ukudlala imidlalo, yona eqalisa ngo Nhlolanja.<br /> <br /> Abaqeqetshi bamaqembu enguqu elizweni kanye lengcwethi kwezemidlalo abakhulume leStudio 7 bathi ngabe eleZimbabwe lilandela indlela imidlalo le ehlewa ngayo kwamanye amazwe, eqalisa ngo Ncwabakazi esiyaphela ngo Nkwenkwezi.<br /> <br /> Kodwa isiphamandla se Premier Soccer League uMnu. Kennedy Ndebele utshele iStudio 7 ukuthi ukuphumula kwamaqembu enguqu kuqondana lesikhathi sezulu esibangela ukuthi kubenzima ukuqhuba imidlalo yenguqu.<br /> <br /> Uthi akulandlela yokukhupha amanzi enkundleni zokudlalela umdlalo wenguqu nxa izulu lisina, kukanti labazobukela limidlalo benganethwa lizulu ngoba kungekho okukubavikela.<br /> <br /> UOmega Sibanda, ingcwethi kwezemidlalo utshele uSithandekile Mhlanga weStudio 7 ukuthi eleZimbabwe lake lazama ukulandela amanye amazwe ukuhlela imidlalo le kodwa kwehlula ngenxa yezulu.<br /> <br /> <div class="tag_image tag_audio_plain" contenteditable="false" mode="audio|plain|248813"> Ingxoxo LoOmega Sibanda<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/ukuhlelwa-kwemidlalo-yepsl/1582267.html"/><meta name="syndication-source" content="http://www.voandebele.com/content/ukuhlelwa-kwemidlalo-yepsl/1582267.html"/><img src="http://livetracker.voanews.eu/counter.lt?PageType=256&RecordId=1582267&SiteId=430&r=792686831&it=0&pd=20130111200931&url=ArticleID1582267" alt="" style="border:none;" height="1" width="1">

Copy to clipboard Close