amalinks wokungena

Breaking News

EleZimbabwe Lalo Linanza Ilanga leWorld Habitat Day


Izakhmizi zemzini weBudiriro ezadilizelwa izindlu
Izakhmizi zemzini weBudiriro ezadilizelwa izindlu

Ele Zimbabwe limanyana lamanye amazwe womhlaba ukunanza usuku oluqakathekisa ukutholiswa kwabantu indawo zokuhlala ezilohlonzi ele World Habitat Day, ngesikhathi umanisipala weHarare eqhubeka ebhidliza imizi yalabo abakhela endaweni azithi azikho emthethweni.

Amalunga eTembwe Housing Corporative, emzini weBudiriro eHarare, asanda kubhidlizelwa imizi kuthiwa akhele endaweni ezingekho emthethweni, athi wona kalutsho lutho kiwo lolu suku, ngoba iziqondiso zokulunanza ziphambana lasebehlangane lakho kunje behlezi egcekeni.

Umgcinisihlalo walekopa umnumzana Caleb Kadye uthi abayindawo umanisipala aze alulungisise udaba lwabo, abatholise enye indawo yokuyakwakha.

Unobhala jikelele enhlanganisweni ye Occupy Africa Unity Square, umnumzana Charles Nyoni uthi kuyadanisa okwenziwa ngumanisipala weHarare ukudilizela abantu izindlu bona abakade besakha kusemehlweni akhe.

Wasola njalo lokhu kwenza uNyoni ethi kwenza uzulu obhidlizelwayo aqhubeke esiba ngumyanga.

Umqondisi wenhlanganiso ye Chitungwiza Residents Trust umnumzana Marvelous Khumalo uthi bathukuthele ngendlela umanisipala aphatha ngayo udaba lwamalunga e Tembwe Housing Corporative.

Ababhidlizelwe izindlu laba, bathi kabayikusuka lapho abakade bakhele khona baze batshengiswe indlela ezalandelwa ukululungisisa udaba lwabo.

Bathi banikeza umanisipala we Harare, amahola angamatshumi amane lasitshiyagalombili kumbe insuku ezimbili, ukuba alulungisise loludaba, nxa engenzanga lutho bazathatha amanyathelo agoqela ukutshengisela ukukhonona kwabo.

Ukunanzwa kweWorld Habitat Day
please wait

No media source currently available

0:00 0:03:02 0:00
Lapho esitholakala khona

XS
SM
MD
LG