amalinks wokungena

Breaking News

Ukuthethwa Kwecala LikaPistorius Kungena Kulanga Letshumi Lasitshiyagalolunye


U Oscar Pistorius owetheswa icala lokubulala intombi yakhe, u Reeva Steenkamp uqhubeke esipha ubufakazi phambi komthethwandaba wePitoli ngoLwesithathu watshukwa watshukwa ngemibuzo ngumtshutshisi, uMnu. Gerry Nel othe umsolwa ufuna abantu bamuzwele usizi.

U Pistorius ulandise okwenzakale ngemva kokutholakala kwesidumbu sika Reeva u Nel wasesithi kutshengiswe umfanekiso wekhanda lapho okwangena khona uhlamvu esithi kumele avume ukuthi mpela wambulala.

Kodwa kuthe kutshengiswa umfanekiso wesidumbu uPistorius wawuhlaba umkhosi kwaze kwacina kumiswa ukuthethwa icala leli kancane.

UNel ucele njalo ukuthi kutshengiswe umfanekiso kamabonakude lapho uPistorius atshengiswa edubula amakhabe etshengisa ukuthokoza esithi afana lengqondo zomuntu.

UPistorius ubuziwe njalo ukuba kanti kungani ubufakazi bakhe sebehlukene lalobo abethule ecela ukuphiwa ithuba lokuhlawula imali yesibambiso eye bail.

UPistorius uzaqhubeka ngobufakazi bakhe ngoLwesine.
XS
SM
MD
LG