Ukutshengisela kwentathelizindaba yeHarare u-Itai Dzamara ePark elodumo eye Africa Unity Square akusungule ngenyanga kaMfumfu ekhuthaza umongameli Robert Mugabe ukuthi atshiye umsebenzi ubikwa ukuthi sokuzasabalala ilizwe lonke. Ngeviki ezayo uthi kuzaqondiswa edolobheni lako Bulawayo.
UDzamara uthi lokhu kutshengisela ngokuthula kujonge ukukhuthaza umongameli Robert Mugabe ukuba atshiye umsebenzi kuqhubekela phambili injongo yakho ize ifinyelelwe.
Umnumzana Trever Muurai laye ophatheka kuloluhlelo lokutshengisela uthi solusungulwa ko Bulawayo ngamaqembu akhonangale nomanje u-Itai ezaqhubeka elokhe ese Africa Unity Square etshengisela e Harare:
Elinye ilunga laloluhlelo umnumzana James Katso uthi loluluhlelo luqakathekile okwamagama njalo ubona lulakho ukufeza injongo yalo:
UDzamara uthi loluhlelo soluthola usekelo lwabantu abanengi okugoqela ukutshengisela befola ,ukuhlala e Africa Unity Square okuzakwenziwa zikhathi zonke izifiso zabo zize zigcwalisiswe kunye lokuthola usekelo lwezakhamuzi ze Harare ngokutshaya ama hooter ezimota zabo ngezikhathi ezithile. Umnumzana Muurai uthi kuqakathekile ukuba uzulu ezwisise ukuba uhlelo lwabo lokutshengisela luhlelo oluqutshwa ngokuthula:
UDzamara oyintathelizindaba usungule uhlelo lokutshengisela ngenyanga ka Mfumfu esola umumo wezinto elizweni ekhuthaza umongameli Mugabe ukuba ulungisise lumumo kumbe atshiye umsebenzi.
Amapholisa alwisana labasekeli bakhe atshaya abantu okugoqela intathelizindaba lamagqwetha kulindawo ephambi kwedale lephalamende le Zimbabwe.