amalinks wokungena

Breaking News

Udaba Lwepulazi leMaleme: Umahluli Uthi Uzethula Isinqumo Kwelakusasa


Umahluli womthethwandaba wako Bulawayo uthi uzakupha isinqumo sakhe kwelakusasa kudaba lwesisebenzi semahofisini kaMongameli Mugabe esesithathe ipulazi leMaleme esigabeni seMatabeleland South satshiya amakhulu ezakhamizi kade ephathiswa yilelipulazi engasela okokubamba.

Udaba lolu luqale ngomnyaka odluleyo ngemva kokuba lesi sebenzi, uMnu. Ronnie Mashingaidze eyazise ukuthi waphiwa lelipulazi elemuli yako Cunningham lugatsha lwezokulima.

Ekuqaleni kwayonalinyanga uMashingaidze, ephathiswa ngamapholisa, uxotshe abantu epulazini leli wathatha izilimo lezifuyo ezinye wathengisa emkambo wakoBulawayo.

Inhlanganiso yezokholo eye Ebennezer Trust yasa loludaba emthethwandaba icela ukuthi uMashingaidze axotshwe epulazini leli. Kodwa ngoLwesine umahluli uNokuthula Moyo uthe uzakupha isinqumo kumalanga alandelayo.

UChris Gande weStudio Seven uxoxe loMnu. Josphat Tshuma omele inhlanganiso ye Ebenezer Trust lenduna uMasuku owe Matobo ukuze sizwe okwenzakale emthethwandaba.

please wait

No media source currently available

0:00 0:02:16 0:00
Lapho esitholakala khona

XS
SM
MD
LG