Inhlanganiso yomanyano weCrisis in Zimbabwe Coalition ubambe umhlangano ngoLwesine wokuhlolisisa inhlupho ezibhekane lawo ezigoqela ukufuthelana lokungezwisisani phakathi kwenhlanganiso ezingamalunga.
Kumaviki amabili edluleyo lumanyano ulahlekelwe zinhlanganiso zawo ezilitshumi zakoBulawayo ezibike ukuba seziphuma kulumanyano ngezizatho ezithile ezibalisa ukungaqakathekiswa kwazo kanye lokungananzwa kwezikhalazo zazo. Lezi nhlanganiso zithi njalo izinqumo ngokumele kwenziwe ngumanyano zithathwa edolobheni leHarare zona zingabuzwa imbono yazo.
Intathelizindaba yeStudio 7 uJonga Kandemiiri uxoxe lesikhulumeli seCrisis in Zimbabwe Coalition umnumzana Mfundo Mlilo othi sebevumelene njengomanyano ukuthi baxoxisane lenhlanganiso zako Bulawayo ezilitshumi kuxazululwe njalo kukhunyiswane umlotha ukuze baqhubeke besenza bendawonye.