Amabandla okholo, awezombusazwe kunye lenhlanganiso ezizimelyo ziphakathi kokuqoqa umhlangano omkhulu ozahlaziya umumo wezombusazwe lenotho elizwe emhlanganweni omkhulu othiwa yi National People’s Convention.
Lumbuthano ufanana lemibili esike yenziwa. Owakuqala wenziwa ngomnyaka ka 1999 ababekumhlangano lo bavuma ukuba sekumele kusungulwe ibandla elitsha elozombusazwe elphiwa igama lokuthi Movement for Democratic Change, kumbe MDC.
Umhlangano wakhathesi, okhokhelwa ngabesonto ye Anglican, ukhangelelwe ukwenziwa ngenynga ka Mpalakazi wonalumnyaka. Nxa izifiso zabaqoqa lumbuthano zingafezeka uMnu. Morgan Tsvangirai uzahlala phansi ndawonye loMnu. Welshman Ncube loMnu. Tendai Biti kunye lenkokheli yamanye amabandla ezombusazwe.
Kodwa isikhulumeli sebandla elikhokhelwa nguMnu. Tsangirai, uMnu. Douglas Mwonzora uthe bebengakatholi imbiko eyeneleyo ngalumbuthano.
Kodwa umgcinisihlalo webandla le MDC-Renewal Team, uMnu. Sam Sipepa Nkomo utshele iStudio Seven ukuthi bayawamukela lumbuthano.