amalinks wokungena

Breaking News

Umhlangano weZanu PF Uyaqala Kulokuxokozela eHarare


Umsekeli kamongameli welizwe, uNkosikazi Joice Mujuru lenye inkokheli yeZanu PF ebalisa Omnu. Didymus Mutasa labanye abayanga emhlanganweni omkhulu, wePolitpuro wokwandulela umhlangano omkhulu oweCongress, webandla leZanu PF obusenkundleni ye Harare Civic Centre namuhla.

Lanxa uMutasa ebikwa engezwa kuhle akwaziwa ukuthi uNkosikazi Mujuru, ongayanga emhlanganweni wePolitburo obukhona namuhla lowenziwe ngeviki edluleyo wekeleleni ukuya khona.

Kubikwa bekulabasekeli bebandla kade bebuthene phandle kwenkundla le besithi oMujuru labanye abetheswa icala lokufuna ukubulala uMongameli Robert Mugabe bengalokothi balugxobe ngoba bengaboniswa okwabonwa yingidi.

Ungakaqalisi umhlangano uMongameli Mugabe uhlangane lenkokheli yebutho labalwa impi yenkululeko. Akwaziwa ukuthi kukhulunyweni emhlanganweni lo. Kodwa okunye okubikwa kukhulunyiwe yikuthi idale lePolitburo selizancipha kusukela kumalunga angamatshumi ayiskhombisa lane, 64 libe lamalunga angamatshumi amabili lanhlanu kuphela.

NgoLwesithathu kukhangelelwe ukuba lomhlangano we Central Committee ozahlaziya inguquko yesisekelo sombuso ezapha uMugabe amandla okukhetha abasekeli bakhe. Ungakaqali umhlangano uMugabe usole uNkosikazi Mujuru esithi kalasibindi sokubusa yikho ehluleke lokuza emhlanganweni we Politburo.

UChris Gande weStudio Seven uxoxe lowake waba yisikhulumeli sebandla, uMnu. Rugare Gumbo waqala ngokumbuza ukuthi nxa engacebisa uNkosikazi Mujuru ubengamtshela ukuthi aye na emhlanganweni lo kumbe hatshi.

XS
SM
MD
LG