amalinks wokungena

Breaking News

Umhlangano wePolitburo weZanu PF Wehluleka Ukulungisisa Ukufuthelana


Zanu PF
Zanu PF

Umhlangano wedale elimqoka lebandla leZanu PF elePolitburo, obukhangelelwe ukulungisisa udaba lokudonselana amandla kulelibandla uphele ungaqedanga lutho ngoLwesine eHarare ngaphandle kokunquma ukuthi kuzakuba lekhomidi ezahlaziya indaba ezihluphayo.

Udaba olusegudwini ngolokuthi umsekeli kamongameli, uNkosikazi Joice Mujuru kumele asuke esihlalweni ngoba esetheswa amacala ambalwa abalisa ukungethembeki lokufuna ukugengqula umbuso kamongameli Robert Mugabe. Isikhulumeli salelibandla, uMnu. Rugare Gumbo utshele iStudio Seven ukuthi lelibandla khona lizahlala phansi libumbe ikhomidi ezaxazulula loludaba phambilini kokhetho oluzakwenziwa emhlanganweni omkhulu weCongress.

UMugabe ubikwa evumile ukuthi kulababili abakhokhela amaxuku kulelibandla abathi uMujuru loMnu. Emmerson Mnangagwa. Lokhu kwenzakala kulembiko ethi ikhomidi yeMasvingo ixotshiwe yonke ngoba icatshangelwa ukuthi amalunga ayo asekela uNkosikazi Joice Mujuru.

Ukuhlaziya loludaba uChris Gande weStudio Seven uxoxe lelilunga le Central Committee yeZanu PF, uMnu. Joseph Tshuma ukuze sizwe okunengi ngaloludaba.

Ingxoxo loMnu. Abednigo Bhebhe
please wait

No media source currently available

0:00 0:02:07 0:00
Lapho esitholakala khona

XS
SM
MD
LG