amalinks wokungena

Breaking News

Izifundi Zama University Zihlangana eHarare


Izifundi zasemakolitshini ama University zibuthene emhlanganweni weHarare wokuhluza ukusebenza kohlelo lwenhlanganiso yamazwe ezwekazi leAfrica eye African Union ziphana amacebo okuthuthukiswa kwabesifazana kulelizwekazi.

Lumhlangano obuthanise abamele ama University phose wonke aweZimbabwe usungule ngeviki edluleyo ekolitshini le Women s University in Africa eHarare phansi kwesihloko esithi “2015 The Year of Women’s Empowerment and Development: Towards Africa’s Agenda 2063”.

Unkosikazi Faith Velemu ongene lumhlangano emele ele Tanzania kuModel Summit uthi njengabesifazane babona lumhlangano uqakathekile kakhulu. Uthi lokhe kulodubo lwabantu bohlobo lwesi Masai abangakamukeli ngokugcweleyo amalungelo abesifazane njalo kulodubo lokuthengiswa kwezitho zabantu abaphila lobugoga bejwabu elizwela ilanga abangama Albino.

UBrisky Ncube ofunda ekolitshini le Lupane State University uthi bakhuthaza inkokheli ukuba ziqinise imisebenzi yentuthuko ngoba ingaphathisa ukuthuthukisa abesifazane ngokwehliswa kobuyanga.

Umnumzana Dzikamai Dunira ommele ele Central Africa Republic uthi ukulwisana kunye lempi zomdeni kwenza inhlupho zabomama eAfrica zande ethi njengelakhe ilizwe laxotshwa kumanyano wamazwe eAfrica kulandela ukuhluthunwa kombuso ngabahlamuki beSeleka ethi sebebeke isicelo sabo ukuba leli lizwe libuyiselwe ngoba selilungise okunengi okudingakalayo njalo lizaba lokhetho ekupheleni kwenyanga ezayo.

Umnumzana Ntandoyenkosi sikhosana ofunda eSolusi university uthi abesilisa sokumele befunde ukuhlephunelana amandla labesifazane.

Umnumzana Trust Gangaidzo omela ele Tunisia uthi imihlangano enje imele ithuthukiswe yenzelwe emazweni amanengi awezwekazi leAfrica ukuze izwi labasakhulayo, izifundi labesifazane lizwakale enhlanganisweni yeAfrican Union.

Abesifazane eAfrica babhekana lendubo ezigoqela ukusetshenjiswa njengezigqili njalo betshiywa phandle lapho kuhlelwa inhlelo zentuthuko. Abatsha abangene lumhlangano bathi lokhu kucina kusenza ukuba besetshenjiswe emisebenzini yokuthengisa umzimba.

Inhlanganiso yomanyano wamazwe omhlaba eye United Nations iveze izinqumo zayo zokulwela ukulinganiswa kwamathuba abesifazane eze Protocol on Elimination of all Forms of Discrimination Against Women-CEDAW, njalo inhlanganiso ye African Union eminyakeni esanda kwedlula yathatha amanyethelo okuthuthukisa abesifazane yabeka abesifazane abahlanu labesilisa abahlanu njengama commiissioner abo.

Okwamanje I African Union Commission Ikhokhelwa ngunkosikazi Nkosazana Dlamini Zuma unkosazana Marie Angelique Savane ekhokhela isigaba se Peer Review Mechanism.

please wait

No media source currently available

0:00 0:04:19 0:00
Lapho esitholakala khona

XS
SM
MD
LG