I-MDC-T Isungula Umkhankaso Wemisebenzi

Ibandla leMDC-T selisungule ngokusemthethweni umkhankaso walo wokuthi abantu bethole umsebenzi elizweni, njalo umkhokheli walelibandla uMnu. Morgan Tsvangirai useggcizelele ukuthi ibandla le ZANU PF liyehluleka ukuvuselela umnotho welizwe.

Ingcwethi kwezombusazwe zona ithi ibandla leZANU PF kunengi okufanele likulungise okugoqela inkohlakalo elizweni okungeyinye yembangela yokubhidlika komnotho welizwe.

Kusungulwa lumkhankaso ngoLwesithathu ntambama, osaphethe isikhundla somgcinisihlalo walelibandla uMnu. Costa Machingauta, uthe abatsha sebecina besenza besebenzisa imidakamizwa lokunye okungalunganga ngoba kungekho okunye abangakwenza.

Ibandla leli liphinde lasungula uhlelo lokuthi bonke abangasebenziyi bebhalise ebulenjini be website, ukwenzela ukuthi inani labo lihlale lisazakala.

Umsekeli kamqoqi wenhlelo zeMDC-T uMnu. Abednico Bhebhe utshele uSithandekile Mhlanga weStudio 7 ukuthi ibandla lakhe lizimisele ukukhuthaza uhulumende ukuthi aqakathekise udaba lwemisebenzi elizweni.

Embed share

Ingxoxo LoMnu. Abednico Bhebhe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:38 0:00

Lapho esitholakala khona

• | MP3

Ukudlala