amalinks wokungena

Breaking News

Umkhankaso Wokhetho Lwama By Elections Ufika Kuzinga Elikude


Umkhankaso wokhetho lwama by elections usufike kuzinga laphezulu ngesikhathi sekuqhamuke njalo ukuxokozela ebandleni le Zanu PF kulandela amazwi ethulwe ngabalwa impi yenkululeko besola umqoqi wenhlelo zebandla, uMnu.Savior Kasukuwere.

Lokhu kwenzakala nje uMongameli Mugabe, osandavela kwele Russia esedlulele elubhekise kwele Mali ukuyafakaza ukulotshwa kwesivumelwano samabandla akade ephikisana.

Abalwa impi yenkululeko bethesa uKasukuwere icala lokufuna ukugenqula umongameli Mugabe lokufaka abantu abathandayo ukuthi bamele lelibandla kukhetho lwama by elections olwenyanga ezayo.

Kodwa uKasukuwere wethule awakhe amazwi esithi abalwa impi yenkululeko yizidakwa ezingazi ezikukhulumayo.

KoBulawayo ibandla le Zanu PF likhanya lizazenzela umathanda ezigabeni ezinhlanu lanxa kulebandla le Zapu lele Transform Zimbabwe kunye labancintisa bezimele.

EHurungwe West, okuyiko okukhanya ibandla le Zanu PF lifaka amandla alo wonke, oncintisa ezimele uTemba Mliswa utshele iStudio Seven ukuthi iZanu PF isebenzisa osubhuku ukuthi yethusele abantu kodwa uthi abantu bengethuki ngoba akwazakali ukuthi bazavotela bani.

ETsholotsho abanye bathi ukugejwa kwemithombo yamanzi engamatshumi amabili yindlea yokuthenga amavoti.

Kodwa okhokhela umkhankaso kaMnu. Jonathan Moyo ozancintsisa esigabeni se Tsholotsho North emele ibandla leZanu PF, uMnu. Belive Gaule utshele iStudio Seven ngokuhamba komkhankaso wabo.

Ingxoxo loMnu. Believe Gawule
please wait

No media source currently available

0:00 0:02:14 0:00
Lapho esitholakala khona

XS
SM
MD
LG