Umkhuhlane ongelaphekiyo owe Ebola oqhamuke ngeningizimu yezwekaze le Africa ubikwa ususabelele njalo ucatshangelwa ukuthi kulabantu abayisithupha abangaba lomkhuhlane lo kwele South Africa. Kodwa odokotela bathi basacubungula umkhuhlane ohlasele abantu laba ukuthi bazise ukuthi ngempela yiyo I Ebola.
Umphathintambo wezempilakahle, uDokotela Samuel Parirenyatwa uthi ele Zimbabwe seliqalise ukuhlola abantu abangena elizweni afana leGuinea, Liberia kunye le Sierra Leon ukwenqabela umkhuhlane lo.
Lumkhuhlane uqhamuke ngenyanga ka Nhlangula eGuinea wasusabalala waya kwamanye amazwe. Inhlanganiso yezempilakahle emhlabeni jikelele namhla ithe izakupha amazwe ahlaselwe ngumkhuhlane lo amadola angaba zinkulungwane eziyisigidi.
UDokotela Parirenyatwa utshele iStudio Seven ukuthi bakhuthaza izizalwane ze Zimbabwe ukuthi zingayi emazweni ahlaselwe ngumkhuhlane lo.
UChris Gande weStudio Seven uxoxe lengcwethi kwezempilakahle, uDokotela Dalubuhle Ndiweni ochasisa kabanzi ngalomkhuhlane.
