amalinks wokungena

Breaking News

UMongameli Mugabe Usiwa Emthethwandaba Ngabanye Bakhe


Umongameli Robert Mugabe
Umongameli Robert Mugabe

UMongameli Robert Mugabe usesiwe emthethwandaba ngaboMnu. Didymus Mutasa lo Rugare Gumbo abathi bafuna ukuthi umhlangano owe Congress owanyakenye ungananzwa kanye lempumela yawo.

Ababili laba betheswa icala lokusekela uNkosikazi Joice Mujuru othiwa nguMugabe wayefuna ukumbulala. Emaphepheni ethulwe emthethwandaba we High Court namhla ababili laba bathi umhlangano owenziwe nyakenye wawungekho emthethweni ngalokho kumele izinqumo zawo zingalandelwa.

Lokhu ngokwakuqala ukuthi uMongameli Mugabe asiwe emthethwandaba. Kodwa akukabimgceke ukuthi amagqwetha akhe azaya emthethwandaba na ukuyaphikisa loludaba.

UMutasa lo Gumbo bamelwa ligqwetha, uMnu. Sobusa Gula Ndebele. UMongameli Mugabe uyandise ukumelwa nguMnu. Terrence Hussein.

UMutasa, oxotshwe namhla ukuba lilunga ledale lephalamende, wayengunobhala obona ngenhlelo zebandla kuthi uGumbo yena wayeyisikhulumeli sebandla leli. UChris Gande weStudio Seven uxoxe loMnu. Gumbo ukuze sizwe okunengi ngaloludaba.

please wait

No media source currently available

0:00 0:01:05 0:00
Lapho esitholakala khona

XS
SM
MD
LG