amalinks wokungena

Breaking News

Umongameli Mugabe Usungula Uhlelo Lokuthuthukisa Inotho Kazulu eNkabazwe


Umongameli Robert Mugabe usungule uhlelo lwe Unki Mine Tongogara Community Share Trust olukhangelelwe ukuthuthukisa isigaba esiseduzane lomgodi lo eShurugwi District eNkabazwe.

Intatheli zindaba yeStudio 7 uTaurai Shava ubika ukuthi uMongameli Mugabe uthe uhlelo lwe Indigenization kalusoze lumiswe njengoba luyindlela yokulwisana lamazwe afakela abalandeli bebandla lakhe izijeziso zenotho.

Umongameli Mugabe uphinde wathi uhulumende uzajezisa abasakhulayo abazabanjwa besenza okuhambelana lezithabane.

Uphinde watshela iziphathamandla ze Unki Mine engaphansi kwe Anglo-American Corporation ukuthi kumele zihlephunele uzulu eyinye njalo inotho yabo.

Umphathintambo wezokuthuthukisa inotho kazulu uMnu. Saviour Kasukuwere utshele umbuthano lo ukuthi amankampani emazweni asebenza kwele Zimbabwe kumele ahlephunele uzulu amashares amanengi njengoba umhlabathi lomnotho wezemvelo kungokwabantu makhaza.

Ingcwethi kwezombusazwe njalo ongumqondisi wenhlanganiso ye Progressive Bulawayo Residents Association uMnu. Roderick Fayayo uthi inhlelo ezinjengama Community Share Trusts zijabulisa ababusayo kuphela.

XS
SM
MD
LG