amalinks wokungena

Breaking News

Umongameli Teodoro Obiang Nguema Mbasogo weleEquatorial Guinea Ufika eHarare


Umongameli Sassoue Nguema wele Equtorial Guinea efika eHarare
Umongameli Sassoue Nguema wele Equtorial Guinea efika eHarare

Umongameli Teodoro Obiang Nguema Mbasogo wele Equatorial Guinea ufike ngoLwesihlanu ntambama ezokwethekelela eZimbabwe okwensuku ezintathu ukuzokhulumisana lomunye wakhe uMongameli Robert Mugabe.

Wamukelwe egcekeni lendizamtshina ele Harare International Airport ngophethe isikhundla sikamongameli okwamanje umnumzana Emmerson Munangagwa ngoba uMugabe obengekafiki ekhaya evela kukhefu laye ube ekhangelelwe ukufika ngoLwesihlanu.

Iziphathamandla zebutho labezomvikela ama Service Chiefs, umpathintambo obona ngezobudlelwano beZimbabwe lamanye amazwe womhlaba umnumzana Simbarashe Mbengegwi, umpathintambo obona ngendaba zedolobho leHarare Metropolitan uNkosikazi Mirriam Chikukwa, obona ngezezisebenzi unkosikazi Priscilla Mufumira lezinye iziphathamanda zikahulumende bebekhona labo.

Okumangalise abanengi yikuthi bekuthule, bengekho abalandeli bebandla leZanu PF njengensukwini, kule qembu elilodwa kuphela lomculo ele Zimbabwe College of Music Tradition Dance Group.

Kunjalo nje, umongameli Robert Mugabe utshone elindelwe ilanga lonke ngoLwesihlanu, ukuthi uzophindela ekhaya lemhuli yakhe. Abanengi bebelinde ukufika kwakhe ukuze bazibonele ukuba ngempela uziphilele ngoba kuke kwaba lokuxokozela sokusabalale ihungahunga lokuthi usegulela ukufa okuludaba olulandulwe yiziphathamandla zikahulumende wakhe.

XS
SM
MD
LG