Amapholisa eHarare abuzisise umphathintambo wezokwethulwa kwemibiko, uMnu. Jonathan Moyo, ngodaba luka lowo ozithi ngu Baba Jukwa enkundleni yebulenjini be Facebook.
Igqwetha lika Moyo, uMnu. Terrence Hussein, utshele iStudio Seven ukuthi uMoyo ubizwe enkambeni ye Harare Central Police Station eHarare okwe hola elilodwa lapho abuzisiswe ngobudlelwano bakhe lomhleli wephephanda le the Sunday Mail, uMnu. Edmund Kudzayi.
UKudzayi ubotshwe ngenyanga edluleyo esetheswa icala lokuba nguye uBaba Jukwa wasesithi wayecelwe nguMoyo ukuthi aphathise ukumdinga yena osetshayanise amakhanda inkokheli yeZanu PF ngemfihlo ye Zanu PF ayichaya ebulenjini beFacebook.
UMoyo utshele iphephandaba le The Herald ukuthi yena kazi lutho ngoBaba Jukwa esithi ukubizwa kwakhe emapholiseni kutshengisa sobala ukuthi kulandelwa umthetho elizweni.
UHussein, walile ukuveza ukuthi kuyini okubuzwe uMoyo ngamapholisa. UMoyo uthe ubephathisa amapholisa nje kuphela hatshi ukuthi ubebotshiwe.
Kodwa ingcwethi ecubungula ezombusazwe, uMnu. George Mkhwananzi utshele iStudio Seven ukuthi lokhu kutshengisa ukudabukana phakathi kwebandla le Zanu PF.
