Umsakazo we Zimbabwe Broadcsting usuqinisa umkhankaso wokubhadalisa uzulu amalayisensi emisakazo yayo kuyindlela yokubuthanisa imali yokuthuthukisa imisakazo isuka kuhlobo lwe Analog isiya kuhlobo lwalezinsuku lokusakaza, iDigital.
Iziphathamandla zengatsha zikahulumende ezitshiyeneyo ezibalisa iZimra lamapholisa ziphakathi kokudinga abangela malayisensi abagoqela abatshayeli bezimota.
Ele Zimbabwe yilo lodwa ilizwe elingakaguquli indlela yokusakaza le lona ilanga elafakwa yinhlanganiso ye International Communications Union elokuthi kwenziwe lokhu, elenyanga ka Nhlangula selizafika.
Ele Zimbabwe lifuna imali phose izigidi ezingamatshumi amathathu-$29.5 million, ukwenza uhlelo lokuguqula imisakazo lolu.
Nxa lungenziwa loluhlelo luzavumela ukuthi amagagasi abe lemisakazo engedlula amatshumi amabili lane njalo imfanekiso lamazwi ayabe esezwakala kuhle kungakhathalekile ukuthi ungaphi kwelizwe.
Owake waba ngumsakazi olodumo, uMnu. Ezra Tshisa Sibanda, utshele iStudio Seven ukuthi ukungaguquli indlela yokusakaza lokhu kubangela ukuthi uzulu angabuki lokulalalela imisakazo elohlonzi.
