14.01.2013
<h1>Kusungulwa Umsebenzi Wamadale ka2013</h1><img src="http://www.voandebele.com/App_Themes/VOA_nd/img/colorLogo.gif"/>Abemithethwandaba yaphezulu bakhuthaza uzulu ukuthi atshiyane lodlakela, kulondolozwe ukuthula elizweni lapho kuqhutshwa ukhetho olukhangelelwe ukwenziwa lonyaka, ukuze kuvinjwe ukulahlekelwa yimpefumulo mahlayana kwabantu njenga lokho okwenzakala ngokhetho luka 2008.<br /> <br /> Ekhuluma ekusungulweni komunye umnyaka wokusebenza kwemithethwandaba kumbuthano owenzelwe emethehwandaba weHigh Court eHarare ngoMvulo umahluli omkhulu uChief Justice Godfrey Guwa Chidyausiku wazise ukuba amadale adaniswa yikwanda kwamacala odlakela elizweni olugoqela ukubulawa kwabantu.<br /> <br /> UChidyausiku ukhuthaze isizwe ukuba sithole ezinye indlela zokulungisisa inkinga ezitshiyeneyo ngaphandle kokusebenzisa udlakela lokulwisana ethi uzulu kumele efunde ukuhlonipha impilo yomuntu. Uthe lokhu ngoba kulokuqonga kwamacala okubulawa kwabantu phambi kwemithethwandaba okwamanje enikeza isibonelo sokuba phakathi kwamacala phose amatshumi amahlanu-48 aphambi kwedale leHigh Court okwamanje wonke ngaphandle kwelilodwa ngawokubulawa kwabantu. <br /> <br /> Kubika inthathelizindaba yeStudio 7 uMark Peter Nthambe osethulela loludaba eseHarere.<br /> <br /> <div class="tag_image tag_audio_plain" contenteditable="false" mode="audio|plain|249507"> Udaba lukaMark Nthabe lokusungula umsebenzi kweHigh Court<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/umsebenzi-wamadale-ka2013-uyaqala/1583745.html"/><meta name="syndication-source" content="http://www.voandebele.com/content/umsebenzi-wamadale-ka2013-uyaqala/1583745.html"/><img src="http://livetracker.voanews.eu/counter.lt?PageType=256&RecordId=1583745&SiteId=430&r=1849812553&it=0&pd=20130114211538&url=ArticleID1583745" alt="" style="border:none;" height="1" width="1">
Copy to clipboard Close