Kuqhutshwa Umthandazo Wokuvalelisa UChavunduka

Kuqhutshwa Umthandazo Wokuvalelisa UChavunduka

<h1>Kuqhutshwa Umthandazo Wokuvalelisa UChavunduka</h1><img src="http://www.voandebele.com/App_Themes/VOA_nd/img/colorLogo.gif"/>Abantu abangafika amakhulu ambalwa abagoqela iziphathamandla zecele leMDC elikhokhelwa nguMnu. Morgan Tsvangirai bebethe gwaqa lamuhla ensontweni ye Anglican eHarare emthandazweni wokuvalelisa umuyi uMnu. Gordon Chavunduka obhubhe ngeviki edluleyo.<br /> <br /> Umuyi, ozelwe ngomnyaka ka 1931, utshiye umkakhe labantwana abahlanu njalo imuli yakhe ibikwa isithi uzangcwatshwa kusasa epulazini lakhe eRusape.<br /> <br /> UMnu. Chavunduka ubekhokhela inhlanganiso yabelaphi besintu i-ZINATHA. Wafundisa njalo wakhokhela ekolitshini le University of Zimbabwe, waphatheka kakhulu kwezombusazwe.<br /> <br /> Ubelilunga lekhansili yabadala eye Guidance and Counselling kucele le MDC elikhokhelwa ngumnu. Morgan Tsvangirai. Ekhuluma kulumbuthano, uMnu. Tsvangirai uthe ibandla lakhe lilahlekelwe ngumcebisi omkhulu.<br /> <br /> Abanye abancome umuyi kulumthandazo ngumkhokheli we Anglican uMnu. Chad Gandiya.<br /> <br /> UMnu. David Mhabhinyana, oyinyanga, njalo elilunga leZINATHA esebenza lomuyi utshele uSithandekile Mhlanga we Studio 7 ukuthi uMnu. Chavunduka wayelwisa ukuthi kubekwe umthetho wokunanza amalungelo abelaphi besintu elizweni.<br /> <br /> <br /> <div class="tag_image tag_audio_plain" contenteditable="false" mode="audio|plain|249402"> Ingxoxo LoMnu. David Mhabhinyana<img alt="" src="../../../img/spacer.gif" title="This is just placeholder, it will be replaced public site." /></div> <br /> Ekhuluma esililweni sikamuyi uMnu Chavunduka umkhokheli welinye lamacele eMDC uMnu Morgan Tsvangirai onguye njalo inhloko kahulumende uthe uhulumende weZimbabwe ulakho ukuqala ukwelapha kungelambadalo umkhuhlane wemvukuzane, oweCancer. .<br /> <br /> UTsvangirai uthe lokhu kwavunyelwana lidale le cabinet kulandela ukumemetheka kwalumkhuhlane osuhlasele inkulungwane zabantu ababalisa umsekeli wakhe, uNkosazana Thokozani Khuphe.<br /> <br /> Wengeze wathi uhulumende uzakwakha izibhedlela eHarare lako Bulawayo ukwenzela ukuhlola lumkhuhlane kusasemasinyane.<br /> <br /> Kodwa ingcwethi ecubungula ezombusazwe, uMnu. Rejoice Ngwenya utshele uChris Gande weStudio 7 ukuthi uzulu kumele azibuze ukuthi uhulumende engakwenelisa lokhu na yena ehlala ekhala ngokuswela imali.<br /> <br /> <div class="tag_image tag_audio_plain" contenteditable="false" mode="audio|plain|249417"> Ingxoxo LoMnu. Rejoice Ngwenya<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/umthandazo-wokuvalelisa-uchavunduka/1583509.html"/><meta name="syndication-source" content="http://www.voandebele.com/content/umthandazo-wokuvalelisa-uchavunduka/1583509.html"/><img src="http://livetracker.voanews.eu/counter.lt?PageType=256&RecordId=1583509&SiteId=430&r=820789961&it=0&pd=20130114171050&url=ArticleID1583509" alt="" style="border:none;" height="1" width="1">

Copy to clipboard Close