Umphathintambo pathintambo obona ngezezisebenzi lenhlalakahle kazulu, umnumzana Nicholas Goche ukhangelelwe ukuhlangana labamela izisebenzi kanye labaqatshi emhlanganweni weTripatite Negotiating Forum. Amacele womathathu akhangelelwe ukuhluzwa indaba ezithile ukuze kuphunywe lomthetho owe Tripatite Negotiating Forum Bill.
Okunye okuzahluzwa kugoqela ukumanyaniswa kwemithetho ukuze ihambelane lokumunyethwe yisisekelo sombuso esilotshwe nyakenye. Okuzaphuma kulumhlangano kubikwa kuzakwaziswa edale labampathintambo ele Cabinet elikhangelelwe ukukuhluza andubana kuye edale lephalamende.
Unobhala jikelele wenhlanganiso yezisebenzi eye Zimbabwe Congress of Trade Unions-ZCTU, umnumzana Japhet Moyo uthi lumhlangano uqakathekile okwamagama.
IStudio 7 izame ukuthinta ecingweni umkokheli wenhlanganiso yabaqatshi eye Employers Confederation of Zimbabwe-EMCOZ kodwa walile ukukhuluma emoyeni esithi kenelisi ukukhuluma ngalolu daba njengoba umthetho umalisa ukuthi akhulume ngaphandle kukanobhala wogatsha lwezisebenzi umnumzana Ngoni Masoka laye ongathalakalanga ecingweni lwakhe.