amalinks wokungena

Breaking News

Umthethwandaba Ukhangela Imifanekiso kaReeva Steenkamp


U-Oscar Pistorius ube lobuso obuzwisa usizi njalo akazange aphendule ngokuphangisa ngesikhathi ebuzwa ukuthi kwenzakalani ngobusuku okwadutshulwa kwabulawa ngabo intombi yakhe, uReeva Steenkamp, lokhu kuphume emthethwandaba wasePitoli namhla.

Namahla ngelanga lesitshiya galolunye lokuthethwa kwalelicala, bekumiswe u Colonel Gert van Rensburg, owaya endlini yesehlakalo emzini kaPistorius eSilver Woods nyakenye wethule ubufakazi bakhe esithi u Pistorius wayegcwele usizi ebusweni.

Lokhu kwenze igqwetha lika Pistorius uBarry Roux ukuba asukume athi umamangalelwa wayekhathazeke kakhulu, hatshi ukuthi wayekhathazekile nje.

UVan Rensburg uchaze ukuba ngesikhathi engena endlini ka Pistorius, wabona isidumbu sisongwe ngengubo lamathawula egcwele igazi.

UPistorius, oyisigoka kodwa engumdlali wezokugijima kuma Olympics wetheswa icala lokubulala ngenhloso uSteenkamp emzini wakhe, kodwa yena uthi kwaba liphutha ngoba wayecabanga ukuthi lisela elingene endlini lazivalela esambuzini.

kutshengiswe izithombe zendawo yesehlakalo lesi kunye lesidumbu sika Steenkamp owayengunobuhle edlala kumfanekiso kamabonakude njalo wayesanda qeda ukufundela ubugqwetha.

U Van Rensburg uzaqhubeka ngokwethula ubufakazi bakhe kusasa.
XS
SM
MD
LG