15.01.2013
<h1>UMudede Wala Ukwamukela iOnline Voter Registration</h1><img src="http://www.voandebele.com/App_Themes/VOA_nd/img/colorLogo.gif"/>URegistrar General uMnu Tobaiwa Mudede uthi kasoze amukele isicelo seMDC sokuthi iwofisi yakhe ivumele uzulu ofuna ukuvota kukhetho oluzayo azibhalise kumitshina yama-computer, i-<em>online voter registration</em>.<br /> <br /> Unobhala jikelele weMDC ekhokhelwa nguMnu Welshman Ncube, uNkosikazi Priscillar Misihairambwi Mushonga nguye obekhweze isicelo lesi kuMudede.<br /> <br /> Kodwa encwadini ayilobele uNkosikazi Mushonga ngoMvulo, uMudede uthi kasoze akuvumele uhlelo lolu ngoba lulakho ukusetshenziswa yizigilamkhuba ukufaka abantu abangekhoyo kuluhlu lweVoters’ roll.<br /> <br /> Uthi njalo kasoze avumele uhlelo lolu ngoba inengi labantu emaphandleni lingela mitshina yama-computer. Kodwa ingcwethi kwezombusazwe uMnu Rejoice Ngwenya uthi izizatho eziphiwe nguMudede azilasisindo.<br /> <br /> <div class="tag_image tag_audio_plain" contenteditable="false" mode="audio|plain|249851"> Ingxoxo loMnu Rejoice Ngwenya ingcwethi ecubungula ezombusazwe<img alt="" src="../../../img/spacer.gif" title="This is just placeholder, it will be replaced public site." /></div> <br /> Kunjalo nje, iMDC sisole uMongameli Robert Mugabe loMnu Morgan Tsvangirai ngokuqhubeka betshiya uNcube phandle kumihlangano yabakhokheli bamabandla yokudinga isisombululo kudaba lwesisekelo sombuso esitsha.<br /> <br /> UTsvangirai loMugabe bahlangena ngoMvulo njengenhlalayenza uMnu Ncube engekho.<br /> <br /> Isikhulumeli salelibandla uMnu Nhlanhla Dube utshele iStudio 7 ukuthi ibandla lakhe likhathazeke kakhulu ngokwenza kukaMugabe loTsvangirai.<br /> <br /> <div class="tag_image tag_audio_plain" contenteditable="false" mode="audio|plain|249852"> Ingxoxo loMnu Nhlanhla Dube isikhulumeli seMDC-N<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/umudede-wala-ukwamukela-isicelo-seonline-voter-registration/1584243.html"/><meta name="syndication-source" content="http://www.voandebele.com/content/umudede-wala-ukwamukela-isicelo-seonline-voter-registration/1584243.html"/><img src="http://livetracker.voanews.eu/counter.lt?PageType=256&RecordId=1584243&SiteId=430&r=1600442204&it=0&pd=20130115173041&url=ArticleID1584243" alt="" style="border:none;" height="1" width="1">
Copy to clipboard Close