Friday, October 31, 2014 Local time: 11:51

Indaba / Ezombusazwe

UMudede Wala Ukwamukela iOnline Voter Registration

x
Ntungamili Nkomo
URegistrar General uMnu Tobaiwa Mudede uthi kasoze amukele isicelo seMDC sokuthi iwofisi yakhe ivumele uzulu ofuna ukuvota kukhetho oluzayo azibhalise kumitshina yama-computer, i-online voter registration.

Unobhala jikelele weMDC ekhokhelwa nguMnu Welshman Ncube, uNkosikazi Priscillar Misihairambwi Mushonga nguye obekhweze isicelo lesi kuMudede.

Kodwa encwadini ayilobele uNkosikazi Mushonga ngoMvulo, uMudede uthi kasoze akuvumele uhlelo lolu ngoba lulakho ukusetshenziswa yizigilamkhuba ukufaka abantu abangekhoyo kuluhlu lweVoters’ roll.

Uthi njalo kasoze avumele uhlelo lolu ngoba inengi labantu emaphandleni lingela mitshina yama-computer. Kodwa ingcwethi kwezombusazwe uMnu Rejoice Ngwenya uthi izizatho eziphiwe nguMudede azilasisindo.

Ingxoxo loMnu Rejoice Ngwenya ingcwethi ecubungula ezombusazwe
Ingxoxo loMnu Rejoice Ngwenya ingcwethi ecubungula ezombusazwei
|| 0:00:00
...
 
🔇
X

Kunjalo nje, iMDC sisole uMongameli Robert Mugabe loMnu Morgan Tsvangirai ngokuqhubeka betshiya uNcube phandle kumihlangano yabakhokheli bamabandla yokudinga isisombululo kudaba lwesisekelo sombuso esitsha.

UTsvangirai loMugabe bahlangena ngoMvulo njengenhlalayenza uMnu Ncube engekho.

Isikhulumeli salelibandla uMnu Nhlanhla Dube utshele iStudio 7 ukuthi ibandla lakhe likhathazeke kakhulu ngokwenza kukaMugabe loTsvangirai.

Ingxoxo loMnu Nhlanhla Dube isikhulumeli seMDC-N
Ingxoxo loMnu Nhlanhla Dube isikhulumeli seMDC-Ni
|| 0:00:00
...
 
🔇
X
This forum has been closed.
Umbono wakho
     
There are no comments in this forum. Be first and add one