UMongameli Mugbe ufungise abasekeli bakhe bobabili ngoLwesihlanu, uMnu Emmerson Mnangagwa loMnu Phelekezela Mphoko ukuthi baqale umsebenzi kanye lamalunga amatsha edale lakhe labaphathintambo bakahulumende eleCabinet.
Lanxa esengumsekeli kaMugabe uMnangagwa uzaqhubeka engumphathintambo obona ngezemithetho kuthi uMphoko yena usengumphathintambo obona ngogatsha lokuxolelana iNational Healing.
Amanye amalunga eCabinet aphiwe ingatsha ezintsha agoqela uMnu Simon Khaya Moyo osengumphathintambo obona ngenhlelo zenotho, iEconomic Planning loMnu Super Mandiwanzira osengumphathintambo obona ngokusetshenziswa kwemitshina yakulezinsuku iInformation and Communication Technology.
UMnu Chris Mutsvangwa uphiwe ugatsha olutsha olubona ngendingeko zabalwa impi yenkululeko kuthi umkakhe uMonica usengumsekeli kaMnu Jonathan Moyo kugstaha olubona ngokwethulwa kwemibiko.
Lanxa abaphathuntambo laba besithi bazasebenza gadalala emizameni yokuvuselela umnotho lokuthuthukisa ilizwe, ibandla leMDC-T lithi akulalutho olutsha oluzalethwa nguhumende weZanu PF lo.
UNtungamili Nkomo oweStudio Seven uxhume umsekeli wesikhulumeli salelibandla uNkosazana Thabitha Khumalo.
